Grotteria Logo SS. CrocifissoUsando questo sito accetti i cookie info in note legali a pič pag.

Santuario SS. Crocifisso > Le notizie > Memories > Buon Natale e Felice Anno Nuovo .....

Grotteria Santuario

Notizie

Leggi tutte le notizie

Restauri

Leggi tutti gli articoli

Immagini

Il logo della sezione del sito denominata Buon Natale e Felice Anno Nuovo .....

Buon Natale e Felice Anno Nuovo .....

Torna indietro

. . . in poesia dialettale . . .

Inserito nella categoria Memories

BUONE FESTE DA GROTTERIA
Li boni festi e li boni simani
Mu ndi li manda di nostru Signuri,
mu ndi li manda cunsulati e sani
e senza di turmenti e di doluri.
 
A tutti vu nu bonu capudannu!
Arredu a la porta ‘na petra vi misi,
vi la misi pe’ cent’anni
e nu bonu capudannu!
 
***
 
Santu Natali vinni
E Cristu sia lodatu,
lu re di la gloria
stanotti fu natu!
 
Fu natu in allegria
Ch’è natu lu Misia!
 
Oh chi nottata bella,
chi cantanu l’acceji
cantano d’allegria
ch’è natu lu Misia!
 
***
 
Oh chi jiornu serenu e chi allegrizia
Chi fu stata la notti di Natali !
 
Nescì nu bambineiu di bellizzi
Chi pe’ lu mundu lu pari non ‘avi.
 
E li pasturi tutti a la diritta,
e li tri re lu ìanu a visitari.
 
L’oru di tazza cu la sua grandizza
a iij disentari nci vozzi levari.
 
Oh grandissima matri , e chi facisti
quandu lu santu figghiju t’adurasti !
 
Lu latti c’allattà benedicisti
E i pannizzeji adduvi lu mpasciasti.
 
E pannizzeji e fasci non ndavisti,
lu velu di la testa ti cacciasti.
 
***
 
Quandu la Madonna notricava,
sira e matina Sant’Anna nci iia.
 
Pigghjiava lu bambinu e lu spassava,
doppu mpasciatu lu benediciva.
 
Li mani e la facciuzza nci lavava:
'Vattindi a San Giuseppi, anima mia'.
 
E quandu a San Giuseppi iu spuntava:
'Benavenuta, figghiju di Maria;
 
pìgghjiati lu serracchjiu mu serramu'.
La serra sula sula si ndi ia.
 
E cu na manu la serra serrava,
cu l’attra li cumpasci nci tenia.
 
Li pezzula ianterra po’ pigghjiava,
lu signu di la cruci si facia.
 
***
 
Chista è a storia da Vergini Maria,
quandu cu San Giuseppi caminava.
 
Era straneru e non sapìa la via.
Scuru facìa e forti nivicava.
 
Nci mbatti ‘n giuvanottu pe’ la via:
'T’undi va vecchjiu', addaccussì spijava.
 
'E’ vaiu pe’ trovari ‘na stanza a mia,
quantu pe’ stasira ad alloggiari'.
 
' E jocu a fora ‘na stanza ndavìa ;
non sacciu s’era bestia c’alloggiava'.
 
'Non m’indi mporta no se bestia avìa,
ca cu lu lumi me l’alluminava'.
 
A menzanotti parturì Maria
E fasci e coppuleij no ndavia.
 
E u Patreternu du cielu scindia
E i mpasciaturi a manu li portava.
 
Mpasciatalu, mpasciatulu Maria,
ca vu nci siti la sua patria cara.
 
Fu battizzatu a lu fonti di Roma,
fu ncrisimatu a lu xumi Giordano.
 
E la cummari sua fu la rigina
E lu cumpari so sacra curuna.
 
E mbiatu cu lu ndavi pe vicinu,
ndavi lu paradisu e non s’adduna.
 
© 2016-2013 Salvatore Napoli per il sito del SS. Crocifisso di Grotteria
 
 

del SS. Crocifisso

Preghiere, Detti ...

Preghiere, Detti ...

Detti:Quandu jiuri a bruvera arrivą a primavera (Quando fiorisce l'erica č arrivata la Primavera)Altro (F5)

Seleziona Eventi

Strumenti

Chi c'č online

Commenti

CMS accessibile valido XHTML 1.1 Strict

Parrocchia Santa Maria Assunta

Via Matrice Grotteria (R.C.) 89043 Calabria Italia
Contatti

© 2013 -2015 Carlino Pasquale Grotteria Network su Zenukers.org